Terms and Service

Herbanics ki website istemal karne ke liye aapka shukriya. Is website ko browse karne ya yahan se kharidari karne ka matlab hai ke aap hamari darj-zail sharait (Terms) se ittefaq karte hain.

1. Karobar ki Pehchan

Herbanics ek herbal brand hai jo Okara mein maujood apni 70 saal purani legacy (Pansar shop established 1950) ke tajurbe ki buniyad par products farahmi karta hai.

2. Products ka Istemal (Disclaimer)

• Hamari tamam products (maslan Power Peak, No Stress Ashwagandha, Herbi Slim, aur Herbi Shine+) qudrati aur herbal ajza se tayyar ki jati hain.

• Ye products kisi doctor ki prescription ka badal nahi hain. Agar aap kisi purani bimari mein mubtala hain ya dawa istemal kar rahe hain, to herbal product shuru karne se pehle apne tabib ya doctor se mashwara zaroor karein.

• Har insan ki body type mukhtalif hoti hai, is liye result har kisi par mukhtalif ho sakta hai.

3. Orders aur Qeemat

• Hum kisi bhi waqt kisi bhi product ki qeemat tabdil karne ka ikhtiyar rakhte hain.

• Order confirm hone ke baad, hum aap se diye gaye number par raabta kar sakte hain. Agar maloomat galat payi gayi to hum order cancel karne ka haq rakhte hain.

4. Shipping aur Delivery

• Hum poore Pakistan mein delivery karte hain.

• Delivery ke liye diye gaye waqt mein thori bohat tabdeeli ho sakti hai (maslan mausam ya raste ki wajah se), lekin hum jald az jald parcel pohanchane ki koshish karte hain.

5. Tabdeeli aur Wapsi (Returns)

• Chunkay ye herbal aur health care products hain, is liye khuli hui ya istemal shuda product wapis nahi li jayegi (Health and Safety reasons ki wajah se).

• Agar aapko galat ya damaged product mili hai, to 24 ghanton ke andar hum se raabta karein taake hum usay tabdil kar sakein.

6. Copyright

Website par maujood tamam content, images, aur logos Herbanics ki milkiyat hain. Inhein hamari ijazat ke baghair kahin aur istemal karna mana hai.